26th May

Indestructible money lobby

Stinks awfie like a jobby

When citizens die alone

As PM toasts his own.🥃

Plebiscite’s a distorted sight

When yer vote turns tae laughs,

An gaffs

An guffaws

That echo roond the money ha’s.

AddNib’s Weather WARNING

Dark clouds loomin oer the UK

Sae dinnae think that aw’s okay

Fir the nightmare oan civvy street

Will no gan away

Weel certainly no the day!😫

25th May

A buddy ca’d Sue

Hae been scrieven aboot a do, or two

An the day’s the day

She’ll hae her say!

Oh whit a Gray day for some,

Either yon fakes sittin oan thir bum,

Yon yins that turn liquid gold tae scum,

Or ye wie a franchise tae protect

Micht see the hale clamjamfry wrecked.

AddNib’s Weather WARNING

It will be hoat oer Westminster

But cloudy elsewhere

Till yon creepin deceptive har

Is pit back in its jar,

Ready for the next balloon

Tae laugh oot loud, and tak us aw tae toun!

23rd May

Nae Reston fir the wicked now

The train stops there, and how –

If the new timetable does allow.

PM says “nowt aff the table”

As sure as he is able

Tae procure relief,

Spake in words fae a forked tongue

Through laughin teeth.

AddNib’s Weather WARNING

A cannae mak heid nor tail

An ma weather guess is sure tae fail

Should A gan oan watching the BBC,

Ma forecast micht be aw at sea.

So it’s back tae ma Grandpa’s barometer

Which things oan the livinroom wa

The yin he won at the boolin

In nineteen fifty twa.

21st May

Museums of Scotland celebrate

Wie somethin ye love,

Or somethin ye hate

But tae find oot ye’ll hae tae wait.

PM and Sue Gray meet oan the quiet,

Wonder whit that’s aboot?

Maybe thir diet?

Wine, canapes –

Or beer perhaps?

AddNibs Weather WARNING

A high o 14° degrees

Will no exactly hae ye oan yer knees.

A low o 11°

Isnae exactly Heaven

But dinnae despair,

June is nearly thare!

20th May

If ye fancy a late nicht oot

Ye’ll no git the train, withoot a doobt

Nae worries there though,

The Charmer’s blawin her flute.🐍

Twa hunner signed up for gowf

Ithers think it somewhat bowf

Rather keek it fae thir howff.

Nation keeps Mary’s casket

Oer dear? Ye’ll need tae asket.

AddNib’s Weather WARNING

Ain wa fell doon

An by three the day in this fair toun

Ye better watch ye dinnae droon.

19th May

Bogie Betty dis her round

Wie slippers only an inch fae the ground,

A wary an a scary tale

Aw the wie fae Carbisdale.

Third time lucky

Micht mak the Borders plucky

An the Cooncellor prood

Tae be a Borders Cooncil dude

Effect an innings that aw will remember

Even though it will end by September.😥

AddNib’s Weather WARNING

At last the Orb goes wa tae wa,

Na cloods, nae wind, nae rain at aw!😊

Tae the beach ye’ll aw be filin

Except fir those, like moi, whae hate tae be bilin

We’ll no be smilin.😫

Have a nice day!🗽

18th May

Swinger dis 36 hoors in ain go,

Fairly pittin oan a show

Whilst bairns waitin oan thir shot,

Think the hale thing toffee rot.

Borders Cooncil tae fix thir highways,

Repair the tar oan aw the byways,

“Withoot pitfalls or potholes”,

A thing cyclists cannae thole!

Bit whit aboot the Borders bairns?

Fir years they thoucht folk wirnae carin

When thir trikes cam asunder

Oan the Borders fancy hunder!

AddNib’s Weather WARNING

No a bad day the day,

Though the cloods hanae gain away

An neither his manky May.

A micht be wrang,

But dis Manky May soond like a sang?

Weel ma guitar string jist went twang!

17th May

Greedy angel taks its share,

Leavin Glenfarclas cupboard bare

PM admits surprise

That Brexit has him up tae his eyes

In Irish muck an glaur

Bet he wishes that wis oer.

AddNib’s Weather WARNING

Shrouds o clouds and gentle breeze

Will hae ye oan yer knees

Prayin fir a glimpse o sun

Slapping suncream by the ton

But dinnae hud yer breathin,

Or ye’ll just end up seethin

An still sittin freezin.

16th May

Easy gien bonus

Cause it pits the onus

Oan thir cabin crew

Whae mair an mair prefer the bru.

He’s nae fool

Keeps his cool

Haen 16 simmits

Seems he has nae limits.

AddNib’s Weather WARNING

Ne’re cast a cloot,

Or yer wellies ya big galoot,

Fir the East will keek like West

Sae dinnae gan oot in yer vest

Working far hame micht be best

Unless yer a servant civil

Whae’s use tae lots o drivvel.